Tulishaandika kuhusu app maarufu ya kununua, kuhifadhi na kusoma magazeti kupitia simu au tableti yako ifahamikayo kwa jina la mPaper kuingia kwenye kinyang’anyiro cha tuzo za ubunifu wa Apps za Afrika.
App hiyo imenyakua tuzo ya app bora ya Kiafrika (Best African app), ilikuwa inashindana na app nyingine nne kutoka nchini Afrika Kusini, Senegali, na Nigeria.
App hiyo iliyotengenezwa na inaendeshwa na kampuni ya mambo ya kidigitali ya SmartCodes imefanya suala la ununuaji, uhifadhi na usomaji wa magazeti na majarida mengine kuwa mrahisi mno. Watu wengi siku hizi wanatumia simu na tableti zao kama sehemu kubwa ya wao kusomea vitabu na habari mbalimbali na hivyo mPaper imerahisisha magazeti kuwafikia watu kwa njia rahisi na inayoanza kupendelewa zaidi na hasa vijana.
App hiyo imenyakua tuzo ya app bora ya Kiafrika (Best African app), ilikuwa inashindana na app nyingine nne kutoka nchini Afrika Kusini, Senegali, na Nigeria. Tuzo zinazotolewa na TheAppsAfrica.com kwa mwaka huu ziliusisha maombi kutoka apps zaidi ya 200 kutoka nchi 21.
Kipengele kingine ambacho app hiyo ilikuwa inashindania ni pamoja na app bora katika ‘Eneo la Elimu’ – ‘Best Educational Innovation), hadi makala hii inaenda mtandaoni bado hatujapata kujua habari ya eneo hili, njoo baadae…kujua zaidi.
Timu ya TeknoKona inaipongeza timu nzima ya mPaper na kampuni ya SmartCodes, ni matengemeo yetu app hiyo isambae barani Afrika. Iongeze magazeti kutoka nchi nyingi zaidi na kuwawezesha waafrika kuweza kusoma gazeti la siku hiyo hiyo kutoka nchi jirani.
One Comment