Inawezekana tangu ufungue akaunti ya Facebook hujawahi kufikiria kubadilisha au hata kufanya jitihada na hatimae kuweza kubadilisha nywila na kuweka nyingine iliyo imara na madhubuti kwa usalama wa taarifa zako na mambo mengine kwenye Facebook.
Si vizuri kabisa utumie nenosiri hilohilo kwa muda mrefu sana kutokana na sababu za kiusalama na ili kuepuka udukuzi ambao kwa asilimia kubwa unaweza kuepukwa iwapo ukiwa na tabia ya kubadilisha nenosiri mara kwa mara.
Hatua za kufuta ili kubadilisha nywila kwenye Facebook.
- Ingia kwenye mpangilio (settings) kwenye Facebook. Katika masuala mbalimbali kama vile kubadilisha jina, nenosiri, n.k kwenye mpangilio ndio hatua ya kwanza kabisa na itakayokuwezesha kuweza kubadilisha/kurekebisha kulingana na vipengele vilivyopo.
Kubadilisha nenosiri kwenye Facebook: Kwenye mpangilio ndani ya Facebook ndio uti wa mgongo wa kile ambacho unatarajia kwenda kufanya baada ya ukurasa mwingine kufunguka. - Bofya kwenye kipengele cha Security and Login. Hii ndio hatua ambayo itafanikisha lile lengo lako la kutaka kubadilisha nenosiri ambalo pengine hujawahi kubadilisha tangu uwe na akaunti ya Facecook au una tabia ya kubadilisha nywila ya kwenye Facebook kila baada ya muda fulani.
Kwenye kipengele cha Security & Login ndio sehemu ya kuangalia mambo tofauti tofauti kuhusu ulinzi wa akaunti yako ya Facebook. Ukiwa ndani ya kipengele cha Security & Login moja kwa moja kwenye ‘Change password‘ na hapo utaweka nenosiri la sasa kisha chini yake utaweka nenosiri jipya na kurudia nenosiri lile katika kipengele kinachofuta.
Hitimisho la zoezi zima la kubadilisha nenosiri kwenye Facebook ni kukukumbuka kuhifadhi (save) kile ambacho umekifanya. Kubadilisha nywila si kitu kigumu lakini ni vyema ukawa na kumbukumbu ya lile nenosiri jipya utakalokuwa unatumia baada ya kubadilisha nywila ya zamani.
Other Articles
Next
Previous
January 21, 2018
Facebook Messenger: Jinsi ya kutafuta ujumbe uliotoweka
2 Comments
Comments are closed.