Baada ya tetesi za muda mrefu hatimaye Kampuni ya Fitbit imethibitisha itazindua Saa Janja yake inayoitwa Lonic katika tamasha la mambo ya teknolojia la IFA 2017 litakalo fanyika kuanzia Septemba 1 mpaka 6 mwaka huu huko Berlin, Ujerumani.
Saa hiyo inakuja na Teknolojia ya uwezeshaji malipo, muonekano kamili wa rangi, uzito mdogo na imedizainiwa kwa muonekano mzuri na wakupendeza zaidi.
Fitbit Lonic inatarajiwa itaanza kuuzwa mwezo oktoba mwaka huu katika masoko yote makubwa duniani. Hata hivyo maeneo husika ya masoko hayo bado hayajatajwa rasmi, Uingereza, Marekani na Australia yanaelezwa kuwa ya kwanza.
Saa janja hiyo itakuwa na uwezo wa mtumiaji wake kuweza kuoga nayo au hata kuogelea katika kina cha maji ya mita 50 bila ya kuingiza maji.
Kutakuwa na batani tatu ambazo zitamuwezesha mtumiaji wake kuwa na urahisi wa kuitumia kwa mkono wowote atakaovaa, iwe wa kulia au kushoto.
Sifa nyingine ya Saa Janja ya Fitbit imetengezwa kwa madini ya Aluminiamu na Plastiki hivyo kuifanya kuwa ni nyembamba na nyepesi mno.
Saa hiyo ina sura na muonekano wa kipekee tofauti na Saa Janja zote zilizo sokoni kwa sasa. Japo haijathibitishwa ukubwa wa kioo chake, lakini inafahamika itakuwa na ujazo wa Resolution 384×250, Kioo cha Gorilla kinachosaidia kuzuia michubuko ya kioo hicho.
Inaelezwa itakuwa na uwezo wa kutunza Chaji kwa muda wa siku nne bila ya kuhitaji kuchajiwa, ila hilo litategemea na utumiaji wako.
Itakuwa na GPS na itakuwa na Mfumo wake wa Fitbit OS na inaelezwa itaweza kuoana na mifumo ya Windows Phone, Android na iOS.
Simu hiyo itakuwa na Chipu ya NFC itakayokuwezesha kufanya malipo kupitia mfumo wa Fitbit Pay ambapo utaweza kulipia kwa njia za Visa, MasterCard, AMEX (American Express) na Benki ambazo zitapenda kujiunga na mfumo wa malipo wa Simu Janja hiyo.
Mengine yatakayokuwepo katika Saa janja hiyo ni uwezo wa kupiga simu na kupoea, kutuma meseji na kupokea, Bluetooth, Wi-Fi na mengine mengi.
Saa ya fitbit Lonic inategemea kuleta ushindani mkubwa kwa saa janja za WatchGear(Samsung) na Apple Watch zinazotesa kwa sasa.
Saa Janja hiyo kama ungependa kuwa nayo basi jiandae kuanzia Dola 299 itakapo anza kuuzwa rasmi mwezi Oktoba mwaka huu.
