Intel inatumia dola bilioni 20 kujenga kituo kikubwa cha kutengeneza chipu huko Ohio

Intel imefichua mipango yake ya kujenga kituo kikubwa cha semiconductor huko Ohio, ambacho Mkurugenzi Mtendaji wa kampuni Pat Gelsinger anatarajia kuwa kituo hicho kitakuwa “Sehemu kubwa zaidi ya utengenezaji wa silicon duniani” Kampuni hiyo inatenga dola bilioni 20 kujenga kwenye eneo lenye ukubwa wa ekari 1,000 huko New Albany iliyopo Columbus, Ohio.

Mipango ya awali ya Intel ni pamoja na kujenga mitambo miwili ya kutengeneza semiconductor kwenye eneo ambalo litaajiri watu 3,000. Ujenzi kwenye eneo hilo umepangwa kuanza mwaka huu, na Intel inatarajia mitambo hiyo kufanya kazi ifikapo 2025.

Ripoti ya Bloomberg mwishoni mwaka 2021 ilidai kwamba Ikulu ya White House “ilikatisha tamaa” Intel katika utengenezaji wa chipu nchini China. Utawala umekuwa ukishinikiza makampuni kutengeneza chipu nchini Marekani ili kukabiliana na uhaba unaoendelea duniani. Kwa upande wake, makampuni yamekuwa yakimshawishi rais kufadhili utafiti na utengenezaji wa semiconductor. Inafaa kuzingatia, ingawa, kwamba kwa kuwa ujenzi wa mitambo mipya huchukua miaka, miradi kama hii haitaweza kusaidia kushughulikia uhaba wa ugavi hivi karibuni.

Intel ilisema iliangalia maeneo 38 tofauti nchini Marekani kwa ajili ya kituo hicho lakini hatimaye ilichagua Ohio, kwa sababu ya nafasi yote ambayo inaweza kutumia. Kampuni haitaki kujenga mahali ambapo inaweza kuwahamisha wakazi, kwani hiyo ndiyo sababu iliyopelekea kushindikana kwa mipango ya Amazon ya kujenga makao makuu ya pili huko NYC. Mitambo itakapokamilika, Intel itaitumia kutengeneza chipu zake na za wateja chini ya Huduma za Intel Foundry. Kampuni hiyo ilitangaza huduma zake za uzalishaji wakati ilifunua kwamba inaunda viwanda viwili huko Arizona, ambavyo pia vitagharimu Intel $ 20 bilioni.

Kulingana na Gelsinger, mtengenezaji wa chipu ana chaguo la kupanua eneo la Ohio hadi ekari 2,000 na kujenga kama mitambo nane hivi karibuni. “Tulisaidia kuanzisha Bonde la Silicon,” Mkurugenzi Mtendaji aliambia Time. “Sasa tutafanya Silicon Heartland.”

Chanzo: Engadget

Endelea kutembelea tovuti yetu kujifunza zaidi kuhusu teknolojia na matumizi yake na pia kupata habari mbalimbali za kiteknolojia. Soma makala zetu zingine hapa.