Ikiwa kwa makusudi au hata bahati mbaya umefuta data zako katika memori kadi ya simu yako, ‘hard drive’ au kifaa kingine, na baadae ukawa unazitaka tena, je unaweza zipata? Ndio unaweza zipata!. Unaweza pata tena data zako ulizofuta katika SD Card / Hard Disk Drive kwa msaada wa Asoftech software.
Asoftech ni programu ya kuzifufua data zilizofutwa ambayo ni ya bure kushusha na rahisi kutumia na pia ina ukubwa mdogo (kama 4MB hivi) kwa msaada wa hii programu (software) utafufua mafaili yaliyofutwa kwenye vifaa vya uhifadhi wa data mbalimbali kama vile ‘pen drive, USB drive, external Hard Drive, memory card’ na sehemu zingine.
Inabidi kuacha kutumia mafaili katika simu yako mara tuu unapotaka kufufua mafaili yaliyofutika katika SD Card kwa sababu haitawezekana kufufua mafaili wakati mafaili mengine yanatumika muda huohuo katika simu.
Kitu kingine cha kuweka akilini ni kwamba hautawezekana kufufua mafaili kwa kutumia Asoftech kama utakua umefomati (Format) SD Card/Hard Drive ya kifaa chako.
FUATA NJIA HIZI KUFUFUA MAFAILI HAYO
1. Kwanza kabisa inabidi uishushe hiyo programu (Software) ya Asoftech hapa
2. Baada ya kuishusha (download) fanya mpango wa kuipakua (install)….. itakuchukua muda kidogo tuu
3. Kutumia Asoftech inakubidi uwe ‘Administrator’ katika kompyuta yako, kama ni Admin nenda mpaka kwenye icon ya Asoftech ‘ Right Click’ kisha bofya ‘Run As Administrator‘.
4. Baada ya hapo unganisha simu yako au kifaa kingine katika kompyuta yako. Hakikisha kompyuta yako inasoma memori kadi ya simu yako. Au kama unaweza toa memori kadi ya simu weka katika sehemu ya kusoma kadi (card reader)na uunganishe katika kompyuta. Kama unataka fufua mafaili katika Hard Disk Drive ya kompyuta yako unaweza ruka hatua hii.
5. CHAGUA Diski Uhifadhi (DRIVE)
Hatua ya hapo juu ikipita na Asoftech ikifunguka zitatoka orodha ya diski uhifadhi kibao, chagua moja ambayo unataka kufufua data zake. Chagua drive ya Sd card au Hard drive nyingine na kisha bofya NEXT
6. Itaanza fanya uchambuzi katika diski/ SD card yoyote uliyoichagua. Uchambuzi ukishakamilika itatoa orodha ya mafaili mengine na maelezo ya aina zake (kama vile mp3 au .jpg na zingine)
7. FUFUA MAFAILI
Sasa unaweza kubonyeza “recover’ kufufua mafaili uliyo yachagua na pia unaweza kutochagua mafaili ambayo hutaki kuyafufua.
Kwa kutumia njia hii unaweza fufua aina yoyote ya faili katika Hard Disk Drive na hata SD card.
Kumbuka kusambaza ujanja huu kwa wengine wengi, pia tafadhali ungana nasi kupitia kurasa zetu za Twitter, Facebook Na Instagram
One Comment