Simu rununu zipo na zinatoka kila leo na hii inadhihirika kwa kampuni mengi kama hawajatoa tayari simu mpya mwezi huu basi wapo njiani kutoa bidhaa kwa ajili ya wateja waliopo sehemu nyingi duniani.
Life’s Good (LG) ni moja ya makampuni ambayo yapo kwenye biashara ya vifaa vya kiteknolojia kwa miaka mingi tu na tukizungumzia simu janja basi watu wengi tu watakuwa wanafahamu/wameshawahi kutumia simu mbalimbali za LG.
Mwezi Mei 2018 LG wametoa simu janja, LG K30 ambayo ni simu yenye muonekano mzuri iliyojidhatiti zaidi kwenye upande wa diski uhifadhi.
Simu mpya ya LG K30 iliyozinduliwa mwezi Mei 2018.
LG K30 ni simu rununu ambayo haina sifa lukuki lakini inafaa sana kwa yeyote yule ambaye anahitaji kuwa na simu janja ambayo imekamilika kila idara kuanzia kasi ya intaneti, uzito na uwezo wake wa kuhifadhi vitu.
Simu janja mpya kutoka LG ina sifa zifuatazo:-
Kioo: Ukubwa wa inchi 5.3 ambacho ni cha mguso na ubora wa muonekano wa picha ni 720*1280pixels,
Prosesa: Kasi ya prosesa ni 1.4GHz quad-coreSnapdragon 425 SoC ikiwa inatumia Android 7.1 Nougat,
Diski uhifadhi/RAM: LG K30 ina nafasi ya GB 32 kuhifadhi vitu kwenye simu na kuweza kukubali memori kadi ya mpaka TB 2. RAM yake ni GB 2,
Kamera: Kamera ya mbele ina MP 5 na ile ya nyuma ina MP 13 yenye uwezo wa kurekodi video katika kiwango cha 1080p,
Mengineyo: Inatumia teknolojia ya alama ya kidole, uzito wake ni gramu 168, 4G VoLTE, Wi-Fi 802.11 b/g/n, Bluetooth v4.2, na GPS/ A-GPS vipo kwenye LG K30.
LG K30 ni simu ya bei ya kawaida sana iliyo na teknolojia ya 4G VoLTE. Simu hii inapatikana kwa $225|Tsh. 506,250 kwa bei ya ughaibuni.
Unapenda simu janja za LG? LG K30 sasa ipo kwenye mipango yako ya simu ambayo utainunua? Tunakaribisha maoni yako.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.
Wasiliana nami kupitia |ericmato@teknokona.com|
One Comment
Comments are closed.