Open AI ChatGPT waporomoka sokoni kutoka 80% na zaidi hadi kufikia chini ya 50%, Google Gemini na Cloude AI zakua

Open AI ChatGPT waporomoka sokoni. Tangu ujio wa kishindo wa ChatGPT kutoka OpenAI, kwa mara ya kwanza kabisa nafasi ChatGPT katika watumiaji imeporoka hadi kufikia chini ya nusu ya watumiaji wote wa huduma za AI. Kumbuka kwa kipindi kirefu ChatGPT ilikuwa ikimilika zaidi ya asilimia 80 ya matumizi yote ya AI.

Ripoti mpya kabisa ya State of AI 2026 kutoka kampuni ya uchambuzi wa data ya Sensor Tower inaonesha kuwa ChatGPT sasa inashikilia 46.4% ya soko la kimataifa la wasaidizi wa AI (AI assistants).

Licha ya kwamba bado inaongoza ikiwa na watumiaji hai zaidi ya bilioni 1.1 kwa mwezi (MAUs), swali kubwa ni: Nani anayeimega keki ya OpenAI, na kwa nini watumiaji wanaondoka?

Jinsi Soko Lilivyogawanyika Hivi Sasa

Ushindani umekuwa mkali sana. Makampuni makubwa kama Google na Anthropic yameongeza kasi, na matokeo yake ndio haya kwenye takwimu za hivi punde:

Hali ya Soko (Market Share) | Idadi ya Watumiaji wa Mwezi (Global) |

• ChatGPT (OpenAI) 46.4% | Bilioni 1.11
• Google Gemini 27.7% | Milioni 662
• Claude (Anthropic) 10.3% | Milioni 245
• Zingine (Grok, Perplexity, nk.) | Chini ya 5% kila mmoja 

Kwa Nini ChatGPT Inapoteza Umaarufu?

Kuna sababu tatu kuu zinazotajwa kurudisha nyuma kasi ya OpenAI mwaka huu:

1. Kasi ya Google Gemini Kwenye Simu

Google wamepiga hatua kubwa kwa kuingiza Gemini moja kwa moja kwenye mifumo yao (*ecosystem*). Kuanzia kwenye Google Search, Gmail, hadi kuwa msaidizi mkuu wa sauti (default assistant) kwenye simu mpya za Android 16. Hii imefanya watumiaji wengi wa kawaida kuona hakuna haja ya kupakua app ya ChatGPT wakati tayari wana AI yenye nguvu kwenye simu zao.

2. Sakata la OpenAI na Jeshi la Marekani (Pentagon)

Hii ilileta gumzo kubwa sana mtandaoni. Mapema mwaka huu, OpenAI ilisaini makubaliano ya kushirikiana na Wizara ya Ulinzi ya Marekani (DoD). Jambo hili liliwakasirisha watumiaji wengi wanaojali faragha na maadili ya AI.

Takwimu za Kushtua: Kulingana na Sensor Tower, nchini Marekani pekee, idadi ya watu waliofuta (*uninstall*) app ya ChatGPT iliongezeka kwa 200% ndani ya wiki moja baada ya dili hilo kutangazwa.

Wengi wa watumiaji hao (hasa wataalamu wa mifumo na wachambuzi wa data) walihamia kwa mpinzani wao, Claude, kwa sababu kampuni ya Anthropic ilikataa katakata dili hilo la kijeshi ili kulinda maadili ya faragha.

3. Kuingizwa kwa Matangazo (Ads)

Kama ulikuwa hujui, hivi karibuni ChatGPT imeanza kufanya majaribio ya kuonyesha matangazo kwa baadhi ya watumiaji wa bure. Biashara ya Shopping na Software ndio zimeanza kuonekana zaidi. Watumiaji wengi wa teknolojia hawapendi usumbufu wa matangazo, na hii imewafanya watafute mbadala kwingine.

Claude ya Anthropic Inatisha Kwenye Mapato

Ingawa Claude inashikilia nafasi ya tatu ikiwa na 10.3%, ripoti inaonyesha kuwa ndiyo AI inayoongoza kwa kuwa na watumiaji wengi zaidi wanaolipia huduma ya Premium. Karibu 13% ya watumiaji wote wa Claude wanapenda uwezo wake wa kufanya tafiti za kiundani /deep research na kuandika codes za kompyuta, hivyo wako tayari kutoa pesa kuliko watumiaji wa apps zingine.

Nini Mtazamo Wako?

Soko la AI halina ukiritimba tena. Tumehama kutoka kwenye mfumo wa kutumia app moja tu, na sasa tunaingia kwenye zama za “multi-tool workflows”—ambapo mtumiaji mmoja anakuwa na ChatGPT, Gemini, na Claude kwa wakati mmoja, akitumia kila moja kwa kazi inayofaa zaidi.

Je, wewe bado ni shabiki wa ChatGPT, au ushahamia Gemini au Claude? Angusha maoni yako hapo chini, na usisahau kushare blog post hii na washkaji zako wa tech!