Kampuni ya OpenAI imezindua kivinjari kipya kinachoitwa ChatGPT Atlas, chenye uwezo wa kutumia akili mnemba (AI) kubadilisha namna tunavyotumia mtandao.
Atlas inalenga kuunganisha utumiaji wa kawaida tuliouzoea wa vivinjari na kukuongezea nguvu ya ChatGPT, ikiruhusu mtumiaji kufanya zaidi ndani ya kivinjari chenyewe, bila kuacha tab moja na kwenda nyingine au kutafuta sehemu nyingine taarifa ya kukusaidia kuelewa kile unachokiangalia au kukufanyia kazi kwenye tab husika.
Hichi ni kivinjari cha pili kinachokuja na AI ndani yake kwa mwezi huu wa Oktoba, ni siku chache zimepita tumeandika kuhusu kivinjari cha Comet kutoka kampuni ya AI ya Perpelixity.
Vipengele Muhimu vya ChatGPT Atlas
Bar ya ChatGPT kila ukurasa: Watumiaji wanaweza kufungua “sidebar” pembeni ya kivinjari na kumuuliza AI maswali kuhusu ukurasa waliopo. Kwa mfano, kupata muhtasari wa makala, kulinganisha bidhaa, au kuelewa data bila kuondoka kwenye tovuti.
Browser Memories: Kivinjari kinaweza kukumbuka baadhi ya kurasa ulizotembelea na kutumia taarifa hizo kutoa majibu yenye muktadha zaidi. Mtumiaji ana udhibiti kamili wa faragha na kumbukumbu zake.
Agent Mode: Kwa watumiaji wa toleo la malipo (Plus/Pro), ChatGPT inaweza kufanya kazi kwa niaba yako kama kujaza fomu, kufanya utafiti, au kupanga huduma mtandaoni.
Injini ya Chromium: Atlas imejengwa juu ya Chromium, hivyo inafanana na tovuti nyingi kama vile Chrome, Edge, na Brave. Viunganishi (extensions) za Chrome zinaweza kufanya kazi humu pia.
ChatGPT Atlas inaboresha utumiaji wa mtandao katika matumizi ya hasa kwa utafiti, elimu, na biashara ndogondogo mtandaoni. Watumiaji wanaweza kutafsiri, kutafuta muhtasari, au kuandika maudhui kwa haraka zaidi. Udhibiti wa Faragha: OpenAI imesisitiza kuwa watumiaji wana uwezo wa kulinda data zao na kuzima kumbukumbu au huduma ya Chatgpt kuona data za mtumiaji wakati wowote.
Hata hivyo, changamoto kama kasi ya intaneti na ufahamu wa faragha zinaweza kuhitaji elimu zaidi kabla ya matumizi kuenea kwa wingi.
ChatGPT Atlas ni hatua mpya katika safari ya AI — kutoka “kuchat” hadi “kuvinjari kwa akili”. Kwa Tanzania, hii ni fursa ya kuchochea uvumbuzi na matumizi ya AI kwa vitendo.
Vyanzo: OpenAI, WIRED, Tom’s Guide
No Comment! Be the first one.