Tumeizoe WhatsApp kuwa kama chanzo kikubwa na kuongea,kutuma meseji na hata picha kwa ndugu na jamaa bila kusahau marafiki zetu. Lakini muda mwingine mtandao huu unachukuwa muda wetu mwingi ambao hata tungeutumia katika kufanya kazi.
Sasa vipi kama unaweza kutumia mtandao huu wa WhatsApp kwa malengo ya kusoma au kukuza uelewa wako kwa kupitia mitandao kama Wikipedia? Tujue Baadhi Ya Mambo Ambayo WhatsApp Inaweza Ikatufanyia.
A. Tumia WhatsApp Kama Wikipedia
Hii inaweza ikawa ndio mara yako ya kwanza kujua kama WhatsApp inaweza ikafanya kitu kama hichi. Najua watu wengi hawaijui huduma ambayo inaitwa Duta.In. Duta ni huduma ya bure ambayo inasaidia katika kupata habari mpya na taarifa zingine tofauti tofauti na kikubwa ni kwamba inafanya kazi kama Wikipedia tuu:-
Jinsi Gani Ya Kupata Duta Katika WhatsApp Yako
1. Cha kwanza kabisa ongeza namba hii (+917299015049) katika kitabu chako cha namba (phonebook) na kisha ipe jina lolote unalotaka,
2. Tengeneza kundi (Group) jipya la WhatsApp na kisha iongeze namba hiyo hapo juu katika kundi hilo. Unaweza hata ukaongeza na baadhi ya marafiki zako katika kundi hilo ili kuhakikisha wote mnapata huduma. Mpaka hapo una uwezo wa kutumia Wikipedia katika mtandao wako wa WhatsApp.
Jinsi Ya Kutumia
• Ili kutafuta taarifa Fulani andika neno ‘Search’ ruka nafasi kisha andika kile unachokitafuta. Kwa mfano naweza nkaandika ‘Search TeknoKona’ au ‘Search Google’,
• Ukitaka neno litafsiriwe (labda kiingereza kwenda Kiswahili) andika neno Translate ruka mstari andika lugha unayotaka neno hilo litafsiriwe ruka tena mstari na kisha andika neno au maneno hayo kwa mfano unaweza ukaandika ‘Translate Swahili Mother’ au ‘Translate English Mama’
Kumbuka ukiwa unatumia huduma hii ya WhatsApp utaweza kupata mambo mengi sana ukifikiria kwa undani ni kwamba hata baadhi ya huduma za Google zinapatikana humu, ukiachana na zile za Wikipedia. Huduma kama ya tafsiri (Translate) hata katika mtandao wa google ipo. Mpaka hapo nadhani umekuwa fundi wa kutumia mtandao wako wa WhatsApp kama Wikipedia yako sio?
B. Pata Ufupisho Wa Vitabu
Sio kwamba makundi yote ya WhatsApp inabidi yawe hayakupi mambo mapya ambayo yatakuongenezea kitu kichwani. Unaweza ukatengeneza Kundi lako mwenyewe kwa lengo Fulani kwa mfano kwa lengo la kusoma. Na kwa kukuoa mfano hapa tutumie WhatsApp zetu kupata Ufupisho (Summary) wa vitabu mbalimbali.
Inajulikana kabisa kuwa watu wengi ni wavivu katika usomaji wa vitabu lakini wanapenda sana kujua visa na mikasa na hata mwisho wa stori mbalimbali za vitu. Watu kama hawa wako radhi wenzao wawahadithie picha nzima ya kitabu lakini sio wao wenye kujisome.
Sasa kama wewe na wenzako mnataka kujua mafupisho ya mambo kadha wa kadha ya vitabu kwa muda mchache inabidi muanzishe kundi (Group) la ufupisho wa vitabu katika akaunti zenu za WhatsApp.
Vyanzo: Radar, mitandao mbalimbali
Other Articles
Maana ya i katika iPhone na iOS
