Qualcomm Snapdragon 778G kwa ajili ya simu janja za 5G yazinduliwa

Kipuri mama Snapdragon 778G leo kimezinduliwa rasmi ambapo kinakuja mahususi kwa ajili ya rununu za uwezo wa kati lakini pia ambazo zina teknolojia ya 5G.

Makampuni mengi hivi sasa yanajitahidi kutengeneza simu janja zenye teknolojia ya 5G ambapo Snapdragon 778G inaelezwa ufanisi wake umeongezeka kwa 40% zaidi na kwenye upande wa picha vivyo hivyo.

Kipuri mama kilichozinduliwa leo kinatoka kufuatia mtangulizi wake Snapdragon 780G ambacho kilizunduliwa mwezi Machi mwaka huu nacho kikiwa mahususi kwa simu janja za 5G.

Nini uzuri wa Snapdragon 778G

Kifaa hiki kinaelezwa kuezesha simu janja kuwa na ufanisi mkubwa katika kukamilisha matumizi ya simu mbali na vitu vingine vyote ubora wa kipuri mama unaonekana kwenye kamera, teknolojia ya utashi usio halisi (AI) na kucheza magemu kupitia simu janja.

Kifaa hiki pia kinafanya kazi sambamba na Bluetooth 5.2, WiFi 6 na kwa mujibu wa vyanzo mbalimbali kifaa hicho kitatumika kwenye simu janja zijazo kutoka Oppo, Motorola, Xiaomi, Realme.

Simu janja za Honor 50 ambazo zitatoka baadae mwaka huu ndio zimethibitishwa kuwa na kipuri mama hicho kilichotengenezwa na Qualcomm.

Vyanzo: Engadget, GSMArena