Hapa najua utakua na maswali mengie ya kujiuliza kuhusiana na Snapchat juu ya ndege zake za bila rubani,Pixy mahususi kabisa kwa upigaji wa picha kupitia mtandao wa Snapchat.
Tangia Pixy ziingine sokoni ni miezi minne tuu imepita na niliandikia kuhusiana na hili >>HAPA<< Ni wazi hapa lazima ujiulize kwanini kampuni inasitisha utengenezaji wa bidhaa hii?
Hapa kinachofanyika ni kwamba kampuni itauza Pixy ambazo iko nazo tuu, inamaana huwezi kuja kusikia kuna toleo jipya la Pixy ukiachana nah ii ambayo tayari ipo.
Kingine ni kwamba bado bidhaa hiyo inapatikana katika mtandao wake na kama unahitaji kununua inabidi kuingia katika mtandao wao wa Pixy
Hii sio mara ya kwanza kwa mtandao wa Snapchat kuanzisha bidhaa kwa ajili ya App yake lakini bidhaa hiyo ikafa au wakaachana nayo.
Drone hizi zina uwezo mkubwa wa kupiga picha au kuchukua video ambazo zitaweza kujiingiza moja kwa moja katika Snapchat ya mtumiaji tayari kwa kusambazwa kwa ndugu,jamaa na marafiki.
Jambo hili limebainika katika kipindi cha maswali na majibu baina ya mkurugenzi mkuu wa Snapchat na wafanya kazi wa kampuni hilo.
Ifahamike tuu kwa sasa lililopo ndio toleo pekee la bidhaa hii na hakutakua na toleo lingine ambalo litaingia sokoni.
Unaweza ukawa unajiuliza sababu ambazo zinapelekea jambo hili, vyanzo mbali mbali vinasema sababu ni uongezekaji wa gharama na sababu zingine za kiuchumi.
Kwa sasa makampuni mengi ya teknolojia hayafanyi vizuri kutokana na sababu za kiuchumi, hii imepelekea kwa baadhi ya makampuni kutafuta mbinu mbadala za kuweza kujipatia mapato zaidi, mfano Apple kuzidisha matangazo katika simu za iPhone n.k
Chanzo: WSJ
Ningependa kusikia kutoka kwako, niandikie hapo chini katika eneo la comment, je unadhani ni sahahi kwa kampuni kubwa kama Snapchat kuja na bidhaa na kuachana nayo baada ya miezi mine tuu?
Kumbuka Kutembelea Mtandao Wako Wa TeknoKona Kila Siku, Kwani Daima Tupo Nawe Katika Teknolojia!.
Nifuate Kwenye Mitandao Yangu Ya Kijamii
Instagram | Facebook | Twitter | LinkedIn
Other Articles
No Comment! Be the first one.