Infinix Hot 70 imeshaigia katika soko hapa Tanzania, kumbuka tulidokezea kuhusu ujio wake wiki moja kabla ya utambulisho wake nchini (soma hapa).
Kuna mengi sana ya kuongelea kuhusiana na simu hii lakini kwa leo tujikite sana katika kufungua boksi lake (unboxing) na tujionee/tujue jinsi simu hiyo ilivyo.
Ukifungua boksi lake ndani utakutana na chaja ya 45W, spika za maskio, kava la simu na simu yenyewe. Kumbuka siku hizi maboksi ya simu hayana mbwembwe sana.
Kava la simu ya Infinix Hot 70 litaendana kabisa na rangi ya simu ambayo umeichagua maana zipo katika rangi Zaidi ya moja.
Kingine cha ajabu katika simu janja hii ni kwamba itabadilika kulingana na hali ya joto au ya ubaridi katika eneo ambalo upo.
Kwa mfano, Infinix Hot 70 ambayo ni ya rangi ya chungwa/manjano yenyewe inabadilika na kuwa na rangi iliyofifia ikiwa katika hali ya ubaridi na kubadilika na kung’aa ikiwa katika hali ya joto.
Sifa nyigine ya simu hizi ni uwembamba wake na uzito wake ambao ni mdogo ukilinganisha na simu nyingi. Hot 70 inakuja katika ukubwa wa 7.5MM huku uzito wake ukiwa ni chini ya gramu mia mbili.
Kwa upande wake wa pembeni kuna kitufe spesheli ambacho unaweza ukakipangia kazi ya kufanya mfano kupiga picha, kuwasha tochi n.k.
Betri la simu hii lina uwezo wa 6,000mAh ambalo kwa hakika linaonyesha kabisa simu hii inakaa muda mrefu bila kuichajichaji.
Simu hii mkononi inakaa vizuri sababu ina wembamba wa aina yake na vile vile hata mpangilio wa kamera yake una muonekano mzuri.
Kioo cha Infinix Hot 70 kina ukubwa wa inchi 6.78 huku refresh rate yake ikiwa ni ya 120Hz kwa ajili ya ufanisi Zaidi.
Infinix huwa wanaleta simu nyingi sana katika soko ambazo zinakuaga mstari wa mbele katika kuleta ushindani katika soko na kwa toleo hili ni wazi bado wana maanisha kuhusiana na hilo.
Ningependa kusikia kutoka kwako, je ni kitu gani unapenda kujua kutoka katika simu hii, niandikie hapo chini katika uwanja wa comment.
Kumbuka kutembelea Kona Ya Teknolojia kila siku kwa habari za kiteknolojia na sayasi kwa ujumla, uwe na wakati mwema.
Picha: GSMArena
No Comment! Be the first one.