Suala zima la simu kuisha chaji haraka limekuwa ni changamoto kwa watu wengi wanaomiliki simu janja na kwenye dunia ya leo mtu anaweza akawa anachaji rununu mara mbili au zaidi kwa siku!
Mimi ni kati ya wale ambao nahakikisha simu janja yangu haiishi chaji haraka kiasi kwamba nalazimika kuchaji mara mbili au zaidi ndani ya saa 24. Hii maana yake ni nini? Hapa, ni kwamba mtu anatumia mbinu mbalimbali ambazo zinafanya simu janja iishe chaji haraka mojawapo ikiwa programu tumishi zikiendelea kufanya kazi nyuma ya pazia wakati mhusika hajaifungua kutumia.
Sasa fikiria unataka simu yako ijae chaji haraka na wala rununu yako haina ile teknolojia ambayo inafanya simu ijae chaji ndani ya dakika chache tuu mathalani kutoka 0% – 45% kwa muda wa robo saa tuu. Flight Mode si mahususi tu kutumika kwenye ndege wakati wa kupaa/kutua tuu bali pia inasaidia simu kujaa na chaji haraka na najua utauliza kivipi?
Unapokuwa umeshawasha “Flight Mode” inazuia kwa kiasi kikubwa matumizi makubwa ya betri ikiwemo intaneti, kupiga/kupokea simu, ujumbe mfupi wa maandishi hivyo ukiweka kwenye chaji simu itaingia umeme kwa muda mfupi na hatimae kujaa haraka.
Simu kujaa chaji haraka: Unapowasha “Flight Mode” inazuia kwa muda intaneti, Bluetooth, n.k.
Mara kwa mara huwa natumia njia hii hasa pale ninapokuwa na haraka ya kwenda mahali na sina muda mwingi wa kukaa nikisubiri simu ijae chaji hadi 80%. Naweza kusema mbinu hii inafanya kazi vizuri tuu na imekuwa msaada kwangu tangu nifahamu na kuitumia. Je, na wewe utaenda kutumia mbinu hii?
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia.Wasiliana nami kupitia admin@matoeric.me
No Comment! Be the first one.