Watu wengi duniani hasa bara la Afrika, Ulaya na kwingineko wanatumia WhatsApp. Takwimu zinaonyesha WhatsApp ina watumiaji zaidi ya bilioni 3.14 duniani. Hapo awali ilikuwa ni lazima mtu kuwa na namba yako ili aweze kukupata kwenye WhatsApp lakini unafahamu kuwa unaweza kuficha namba yako WhatsApp?
Kwenye nchi zilizoendelea si rahisi kabisa mtu kukupa namba yake na hasa kwanza ukishamuuliza kama anatuma WhatsApp basi kitu cha kwanza anachofikiria wewe ni tapeli au unatoka Afrika na mazungumzo yenu yanaweza yakaisha hapo, pengine akazuia kuwasiliana na wewe tena.
WhatsApp wameendelea kuboresha njia ya mawasiliano kwani hivi sasa si lazima tena kumpa mtu namba yako ili awasiliane nawe kwenye hii programtu tumishi. Hivi sasa mtu akitaka kuwasiliana na wewe unaweza kumpa jina maalum (username) tu unalotumia WhatApp.
Kama wewe unatumia Telegram na unazingatia suala zima la faragha basi nina hakika utakuwa umezuia mtu kutoona namba yako ya simu. Vivyo hivyo, hivi sasa kwenye WhatsApp si lazima kila mtu awe na namba yako ya simu. Ili hii iwezekane ni lazima WhatsApp unayotumia iwe ni toleo la karibuni kabisa.
Je, ulikuwa unafahamu kuwa kwa kutumia jina maalum kwenye WhatsApp inakuwezesha kuficha namba yako ya simu? Pili, umeshahifadhi jina maalum la kwako tuu kwenye WhatsApp?
Other Articles
Unajua Flight Mode inasaidia simu kujaa chaji haraka?
No Comment! Be the first one.