Zangi Messenger App – App ya mawasiliano binafsi bila kubadilishana namba ya simu

Zangi Messenger App ni app ya mawasiliano yenye hadhi ya usiri na usalama wa kijeshi. Ni app ya mawasiliano inayojikita katika nafasi ya kitofauti ukilinganisha na zile zilizozoeleka kama WhatsApp na Telegram.

Umekutana na mtu na hautaki umpatie namba yako binafsi? Hii basi inaweza kuwa ni app sahihi kabisa ya kuwa nayo.

App ya Zangi kutoka nchini Armenia imekuwa ni moja ya app iliyokuwa kwa kasi kwa mwaka 2023 katika mataifa mbalimbali – hasa Amerika Kusini.

Faida za app hiyo ni

• kuwezesha mawasiliano ata huduma ya intaneti ikiwa si nzuri – ata 2G.
• Simu za video na sauti za bure – ata kwa kutumia 2G
• Uwezo wa kutuma picha na video

App hii haihusishi kuweka taarifa zako binafsi, ni app ambayo mtumiaji akijisajili atapewa namba yake spesheli na aweke nywila. Akisahau namba yake hiyo au nywila yake hakuna namna tena ya kuweza kupata jipya. Itabidi aanze kujisajili upya.

App hii imekuwa maarufu kwa watu wanaotaka kuwapa namba watu ambao hawataki kuwapa taarifa zao rasmi binafsi – mfano namba za simu au barua pepe.

Kumbuka kwa WhatsApp na ata Telegram na apps zingine mbalimbali katika kujisajili lazima utatakiwa kuwapa taarifa ya namba yako ya simu au barua pepe – hizi zote ni taarifa binafsi zinazoweza wasaidia wadukuzi kukufahamu. App hii haihitaji taarifa zozote binafsi – na maongezi/chat zako zote hazikai popote zaidi ya kwenye simu yako.

Ukipoteza login ya app yako au simu yako maongezi yako yote yatapotea pia, hakuna namna ya kuyarudisha tena.

Je wanatengeneza pesa kwa njia gani? Zinga ina huduma ya simu kwa ajili ya biashara na makampuni, kuwezesha biashara kupokea simu za kimataifa kwa gharama nafuu zaidi.

Pakua App ya Zangi – Google Playstore | Apple Appstore

Je una mtazamo gani juu ya app hii? Unadhani kuna uwezo wa app hii kuzidi kupata umaarufu na kuweza kukua zaidi